Səudiyyə Ərəbistanının vəliəhd şahzadəsi və Baş naziri Məhəmməd bin Salman çərşənbə akşamı Ciddə şəhərində Körfəz Ərəb Dövlətlərinin Əməkdaşlıq Şurasına (KƏŞ) üzv ölkələrin liderlərinin və nümayəndə heyətlərinin məşvərət sammitinə sədrlik edib.
ArabAZ xəbər verir ki, zirvə toplantısı zamanı regional və beynəlxalq müstəvidə baş verən son hadisələr, xüsusilə artan regional gərginlik fonunda bu məsələlərlə bağlı səylərin əlaqələndirilməsi müzakirə olunub. Sammitdə hazırda davam edən diplomatik təşəbbüslər, o cümlədən ABŞ və İran arasındakı böhranın qarşısını almaq, gərginliyi azaltmaq və tərəflər üçün yeni danışıqlar yolları açmaq məqsədilə Pakistann vasitəçilik səyləri geniş şəkildə nəzərdən keçirilib.
Liderlər Körfəz ölkələrinin vahid mövqedən çıxış etməsinin vacibliyini və Şura üzvləri arasında birgə koordinasiyanın gücləndirilməsinin əhəmiyyətini vurğulayıblar. Qeyd olunub ki, bu cür koordinasiya kollektiv təhlükəsizlik sistemini dəstəkləməklə yanaşı, regionun iqtisadi nailiyyətlərinin qorunmasına xidmət edir.
