Qətərdə 2026-cı il mayın 24-dən mayın 28-dək olan dövrdə daşınmaz əmlak alqı-satqı əməliyyatlarının ümumi həcmi 277 milyon 186 min 323 Qətər riyalına (QAR) çatıb.
ArabAZ xəbər verir ki, Ədliyyə Nazirliyinin Daşınmaz Əmlakın Qeydiyyatı Departamentinin həftəlik bülleteninə görə, bu dövr ərzində satılan daşınmaz əmlak növləri arasında boş torpaq sahələri, yaşayış binaları, kommersiya binaları və yaşayış kompleksləri yer alıb.
Alqı-satqı əməliyyatları əsasən Reyyan, Doha, Əl-Vakra, Əl-Xor, Əl-Daxira, Ümm-Səlal, Əl-Dayan və Əl-Şamal bələdiyyələrində qeydə alınıb.
Qətərdə daşınmaz əmlak ticarətinin həcmi 2026-cı il mayın 17-dən mayın 21-dək olan əvvəlki həftədə isə 280 milyon 37 min 749 Qətər riyalı təşkil etmişdi.
