Qətər Dövləti Bəhreyn Krallığına qarşı çoxsaylı pilotsuz uçuş aparatlarından (PUA) istifadə edilməklə həyata keçirilən İran hücumlarını kəskin şəkildə pisləyib. Qətər bu hücumları Bəhreynin suverenliyinin kobud şəkildə pozulması və beynəlxalq hüquq qaydalarına açıq-aşkar qəsd kimi qiymətləndirib.
ArabAZ xəbər verir ki, Xarici İşlər Nazirliyi regionu bu cür əsassız hücumların fəsadlarından qorumağın, dialoq, diplomatiya və gərginliyin azaldılması yolunu davam etdirməyin zəruriliyini vurğulayıb. Nazirlik həmçinin regional və beynəlxalq səviyyədə təhlükəsizlik və sabitliyin möhkəmləndirilməsinə töhfə verəcək şəkildə, anlaşma memorandumu çərçivəsində əldə olunmuş nailiyyətlərin üzərində yeni addımların atılmasının vacibliyini qeyd edib.
Nazirlik Qətər Dövlətinin Bəhreyn Krallığı ilə tam həmrəy olduğunu bir daha bəyan edib və Bəhreynin öz suverenliyini və təhlükəsizliyini qorumaq üçün həyata keçirdiyi bütün tədbirlərə tam dəstək verdiyini bildirib.
