Məkkədəki Hira Mədəniyyət Məhəlləsində yerləşən Qurani-Kərim Muzeyi peyğəmbərlik dövründə Qurani-Kərimi yazmaq üçün istifadə edilmiş materialların nüsxə modellərini nümayiş etdirir.
ArabAZ xəbər verir ki, muzey ziyarətçilərə yazılı vəhyin mənşəyini və Peyğəmbərin səhabələrinin Quran ayələrini qeydə almaq üçün istifadə etdikləri üsulları araşdıran maarifləndirici təcrübə təklif edir. Eksponatlara dəri perqamentlər, xurma budaqları, ağac, daş və çiyin sümükləri, qabırğalar kimi heyvan sümükləri daxildir. Bu materiallardan Quran vahid bir kitab halında toplanmazdan əvvəl istifadə olunub.
İzahlı tablolar və interaktiv təqdimatlarla müşayiət olunan eksponatlar bu materialların necə istifadə edildiyini göstərir və Quranın orijinal variantında qorunub saxlanması istiqamətində göstərilən səyləri diqqətə çatdırır.
Hira Mədəniyyət Məhəlləsinin aparıcı turistik məkanlarından biri olan muzey müasir sərgi salonları və interaktiv texnologiyalar vasitəsilə Quranın tarixini, onun elmlərini, yazılma və toplanma mərhələlərini araşdırır; ziyarətçilərə cəlbedici və əhatəli rəqəmsal maarifləndirmə təcrübəsi bəxş edir.
