Qətər dövlətinin Əmiri Şeyx Təmim bin Həməd Al Tani cümə axşamı günü Amerika Birləşmiş Ştatlarının Prezidenti Donald Trampdan telefon zəngi qəbul edib.
ArabAZ xəbər verir ki, telefon danışığı zamanı iki ölkə arasındakı strateji münasibətlər və bu əlaqələrin müxtəlif sahələrdə daha da möhkəmləndirilməsi yolları müzakirə olunub. Liderlər həmçinin regional və beynəlxalq müstəvidə baş verən son hadisələr, xüsusilə Yaxın Şərqdəki vəziyyətin sabitləşdirilməsi istiqamətində görülən işlər barədə fikir mübadiləsi aparıblar.
Prezident Tramp regionda sülh və sabitliyin təmin olunmasında Qətərin oynadığı mühüm vasitəçilik rolunu yüksək qiymətləndirdiyini bildirib. Tərəflər birgə maraq kəsb edən bir sıra məsələlər üzərində sıx əməkdaşlığı davam etdirmək barədə razılığa gəliblər.
