Son illər Azərbaycanın musiqi məkanında, kütləvi şənliklərdə və xüsusilə sosial şəbəkələrin yerli seqmentində ərəb musiqisinə olan maraq kəskin şəkildə artıb. Aparılan müşahidələr və rəqəmsal platformaların statistik təhlili göstərir ki, dil fərqinə baxmayaraq, bəzi ərəb bəstələri ölkəmizdə trendə çevrilərək uzun illərdir öz populyarlığını itirmir.
ArabAZ xəbər verir ki,bu fenomen təkcə ritmik uyğunluqla deyil, həm də Şərq və Azərbaycan musiqi mədəniyyətlərinin vokal keçidlərindəki yaxınlığı ilə izah olunur. Hazırda radiolarda, toy məclislərində və virtual məkanlarda ən çox dinlənilən bəzi bəstələr artıq yerli dinləyicilərin musiqi zövqünün ayrılmaz bir hissəsinə çevrilməyi bacarıb.
Yerli musiqi rəhbərlərinin və gənc dinləyicilərin rəylərinə əsasən, Azərbaycanda əfsanə statusu qazanmış ərəb mahnılarının başında Amr Diabın ifa etdiyi “Tamally Maak” bəstəsi gəlir.
Bu lirik və dərin emosional kompozisiya onilliklər boyu həm orijinal versiyada, həm də bir çox azərbaycanlı sənətçinin fərqli qavarları ilə kütləyə təqdim olunub.
Ritmik və müasir rəqs musiqisi seqmentində isə mərakeşli ulduz Saad Lamjarredin “LM3ALLEM” hiti rəsmi olaraq Azərbaycan toylarının və əyləncə mərkəzlərinin vizit kartı hesab olunur.
Eyni zamanda lirik mövzularda videolar hazırlayan yerli sosial şəbəkə istifadəçiləri livanlı ifaçı Elissanın “Betmoun” mahnısına üstünlük verdiyi halda, daha dinamik abu-hava üçün Nansi Ajramın “Ya Tabtab Wa Dalla” bəstəsi 2000-ci illərin ortalarından bəri öz mövqeyini qoruyur.
Şənliklərdə kütləni ayağa qaldıran ən enerjili hitlərdən biri isə Hussain Al Jassminin ifasındakı “Boshret Kheir” mahnısıdır. Müprotxəssislər ərəb pop və etno-pop musiqisinin Azərbaycandakı bu böyük uğurunu müasir musiqi sənayesində qloballaşma tendensiyalarının Şərq koloriti ilə uğurlu sintezi kimi qiymətləndirirlər.
