BAKI,AzerVoice
Müxalif sağçı “Yisrael Beitenu” partiyasının lideri Avigdor Liberman bu gün, cümə günü İranın İsrailə qarşı gözlənilməz hücum həyata keçirməsi ehtimalı barədə xəbərdarlıq edib.AzerVoice xəbər verir ki, bu xəbərdarlıq iki ölkə arasında son müharibədən sonra gərginliyin davam etdiyi bir vaxtda səslənib.
“Kim İranla bağlı baş verən hadisənin bitdiyini düşünürsə, yanılır və aldadır… İranlılar ciddi və fədakarcasına çalışırlar, müdafiələrini və hərbi imkanlarını hər gün gücləndirirlər və nüvə obyektlərində iş bərpa olunub”-deyə Liberman X platformasında paylaşımında yazıb.
O, aparıcı ölkələr tərəfindən Tehrana qarşı sanksiyaların yenidən tətbiq edilməsinə işarə edərək bunun “adi bir məsələ” olmadığını qeyd edib.
O, sözlərinə belə davam edib: “Görünür, iranlılar bu dəfə bizi təəccübləndirməyə çalışırlar. Bazar ertəsi başlayıb bir həftə davam edəcək Sukot (Çardaqlar bayramı) bayramını qeyd edin, ailəniz və dostlarınızla xoş vaxt keçirin, ancaq ehtiyatlı olun və qorunan ərazilərə yaxın qalın”.-deyə Liberman yəhidiləri ehtiyatlı olmağa çağırıb.
Liberman İsrail hökumətinin fəaliyyətini tənqid edib.
“Onların korladıqlarını biz düzəldənə qədər bu hökumətə etibar etmək olmaz, biz yalnız İsrail ordusuna və özümüzə güvənə bilərik”- deyə, o əlavə edib.
Libermanın - keçmişdə İsrailin müdafiə naziri olmuş siyasətçinin- bu xəbərdarlığının konkret kəşfiyyat məlumatlarına əsaslanıb-əsaslanmadığı, yoxsa şəxsi qiymətləndirməsi olduğu aydın deyil.
Ötən il iyunun 13-də İsrail İranın üzərinə 12 gün davam edən gözlənilməz hücum həyata keçirmiş, bu müddətdə Tel-Əviv və Tehran qarşılıqlı zərbələr endirmişdi. Nəticədə hər iki tərəfdən yüzlərlə ölü və yaralı olmuş, daha sonra Vaşinqton 24 iyunda atəşkəs əldə edildiyini elan etmişdi.
Son həftələrdə İsrail rəsmilərindən sərt bəyanatlar səslənib. Müdafiə Nazirliyinin baş direktoru Amir Baraam sentyabrın 15-də “İrana qarşı başqa raundlar da olacaq” deyə vurğulamış, baş nazir Benyamin Netanyahu -Haaqa Beynəlxalq Cinayət Məhkəməsi tərəfindən Qəzzada hərbi cinayətlərdə ittiham olunaraq axtarılan - yəhudi yeni ili rəsmiləşən gündən (22 sentyabr) əvvəl “İranın Şər oxunun məhv edilməsinin zəruri” olduğunu bəyan etmişdi.
