BAKI,VOA,Yusif Şərifzadə
ABŞ Mərkəzi Komandanlığı Oman körfəzində İran bayrağı altında üzən üç neft tankerinə qarşı əməliyyat həyata keçirildiyini açıqlayıb.
VOA xəbər verir ki, bu barədə ABŞ Mərkəzi Komandanlığı (CENTCOM) sosial şəbəkə hesabında məlumat yayıb.
Məlumata görə, ABŞ hərbi qüvvələri qüvvədə olan ABŞ blokadasını pozmağa cəhd göstərdiyi iddia edilən İran bayraqlı iki boş neft tankerinə zərbə endirib. Bildirilib ki, əməliyyat Oman körfəzində yerləşən İran limanına doğru hərəkət edən gəmilərə qarşı həyata keçirilib.
CENTCOM əlavə edib ki, çərşənbə günü İran bayrağı altında üzən üçüncü gəmi də ABŞ qüvvələri tərəfindən hərəkətsiz vəziyyətə salınıb.
“Üç gəminin heç biri artıq İran istiqamətində hərəkət etmir”, – deyə açıqlamada vurğulanıb.
