BAKI,VOA,Yusif Şərifzadə
Həmasın siyasi bürosunun üzvü Husam Badran bildirib ki, ABŞ vasitəçiliyi ilə əldə olunan Qəzza atəşkəsi sazişinin tətbiqi ilə bağlı danışıqlar Misirin paytaxtı Qahirədə davam edir.
VOA xəbər verir ki, Badran qeyd edib ki, görüşlər “müsbət və məsuliyyətli ruhda keçirilir” və məqsəd cari danışıqlar raundunun uğurla başa çatdırılması, fələstinli xalqın qorunması və işğalçıların planlarının qarşısının alınmasıdır.
Qəzza Səhiyyə Nazirliyinin məlumatına görə, atəşkəsin qüvvəyə mindiyi oktyabr ortasından bəri ən azı 981 fələstinli İsrail hücumları nəticəsində həyatını itirib.
Badran əlavə edib ki, danışıqların konstruktiv ruhu Fələstin xalqının müdafiəsi və ərazi bütövlüyünün qorunması üçün vacibdir. Həmas tərəfi bütün tərəfləri dialoq və atəşkəsin qorunmasına çağırır.
