Bakı. AzerVoice:
Avropa İttifaqı Beynəlxalq Ədalət Məhkəməsinin İsrailə Rəfah hücumunu dayandırmaq çağırışı ilə bağlı mövqeyini müəyyən etməlidir.
AzerVoice xəbər verir ki, bu barədə Avropa İttifaqının (Aİ) Xarici Əlaqələr və Təhlükəsizlik Siyasəti üzrə Ali Nümayəndəsi Josep Borrell bildirib.
"Biz beynəlxalq institutlara və qanunun aliliyinə dəstəyimiz və ya İsrailə dəstəyimiz arasında seçim etməli olacağıq və hər iki şeyi uyğunlaşdırmaq olduqca çətin olacaq", - deyə o vurğulayıb.
Qeyd edək ki, 24 may tarixində Cənubi Afrika Respublikasının Beynəlxalq Ədalət Məhkəməsindən (ICJ) İsrailə qarşı tələb etdiyi yeni tədbirlərlə bağlı ICJ qərarını açıqlayıb. Qərarda bildirilib ki, İsrail Soyqırımının Qarşısının Alınması Müqaviləsi çərçivəsində sübutların qorunması üçün təsirli tədbirlər görməli və heç bir istintaq qrupunun Qəzza zolağına daxil olmasına mane olmamalıdır. İsrail bir ay ərzində Beynəlxalq Ədalət Məhkəməsinə hesabat təqdim etməlidir və Rəfah Sərhəd Qapısı yardımlar üçün dərhal açılmalıdır.
