BAKI,VOA
Fransa Prezidenti Emmanuel Makron Yaxın Şərqdəki son hadisələr və ABŞ-İran atəşkəs razılaşması ilə bağlı rəsmi mövqeyini açıqlayıb.
VOA xəbər verir ki, Makron vurğulayıb ki, İrandakı hərbi əməliyyatların dayandırılması Livanın təhlükəsizliyi ilə birbaşa əlaqələndirilməlidir.
"Atəşkəs mütləq Livanı da əhatə etməlidir. Bombardmanlar və Cənubi Livanın işğalı daimi həll yolu ola bilməz. Biz atəşkəsin Livanı tam şəkildə əhatə etdiyinə əmin olmaq istəyirik."-deyə Makron bildirib.
Fransa ənənəvi olaraq Livanın suverenliyinin qarantlarından biri kimi çıxış edir və Makronun bu bəyanatı İsrail ordusunun ölkənin cənubundakı əməliyyatlarına və Livanın infrastrukturuna endirilən zərbələrə birbaşa etiraz xarakteri daşıyır. Makron qeyd edib ki, regional sülh yalnız bütün cəbhələrdə hərbi əməliyyatların sinxron şəkildə dayandırılması ilə mümkündür.
