BAKI,VOA, Fərid Mikayılov

Avstraliyada baş verən təyyarə qəzası hava nəqliyyatında fasiləyə səbəb olub.

VOA xəbər verir ki, Parafild hava limanında kiçik təyyarənin, təyyarə anbarına çırpılması nəticəsində yanğın baş verib və hava limanı bütün uçuşlar üçün bağlanıb.

Məlumata görə, hadisə Adelaida şəhəri yaxınlığında qeydə alınıb. Kiçik təyyarə eniş etməyə çalışarkən hələlik naməlum səbəbdən hava limanının ərazisində yerləşən təyyarə anbarına çırpılıb.

Qəza nəticəsində anbarda güclü yanğın yaranıb və ərazidə qalın qara tüstü müşahidə olunub.

Hadisədən sonra əraziyə fövqəladə xidmətlər cəlb olunub, təhlükəsizlik məqsədilə hava limanının ətrafı təxliyə edilib və bütün uçuşlar dayandırılıb.

Rəsmi açıqlamalara görə, təyyarədə neçə nəfərin olduğu və xəsarət alanların olub-olmaması hələlik dəqiqləşdirilməyib.