BAKI,VOA,Yusif Şərifzadə
Bəhreyn ordusu bildirib ki, ölkənin hava hücumundan müdafiə sistemləri bir sıra xəyanətkar İran hava hücumlarını qarşılayıb və məhv edib.
VOA xəbər verir ki, Bəhreyn ordusunun açıqlamasında vurğulanıb ki, Tehran sistemli düşmən münasibətini davam etdirir və raket və pilotsuz uçuş aparatları vasitəsilə mülki əhalini hədəf alan qəddar hücumlar həyata keçirir. Ordu qeyd edib ki, bütün silahlar və bölmələr ən yüksək hazırlıq səviyyəsindədir və ölkənin müdafiəsi üçün tam hazırdır.
Açıqlamada həmçinin vətəndaşlara diqqətli olmaları, İranın hücumlarından qalan şübhəli obyektlərə yaxınlaşmamaları və onları dərhal aidiyyəti qurumlara bildirmələri tövsiyə olunub. Bəhreyn ordusu bildirib ki, raket və pilotsuz uçuş aparatları ilə mülki əhalini və şəxsi əmlakı qəsdən hədəf almaq beynəlxalq humanitar hüququn açıq pozuntusudur.
Ölkə əvvəlcə İranın İslam İnqilab Keşikçiləri Korpusunun ABŞ Beşinci Donanmasını hədəf aldığını bildirməsindən sonra ölkə üzrə siqnallı xəbərdarlıq sistemlərini aktiv edib.
