İraq Ədliyyə Nazirliyi şənbə günü, 2026-cı il iyulun 4-də verdiyi rəsmi bəyanatda iyun ayı ərzində Bağdad və digər vilayətlərdəki müxtəlif cəzaçəkmə müəssisələrindən 640 məhbusun azadlığa buraxıldığını elan edib.
İraq İslah Departamentinin hazırladığı və təsdiqlədiyi aylıq hesabat hökumətin hüquqi prosesləri sürətləndirmək və həbsxanaların tutumunu sistemli şəkildə idarə etmək istiqamətindəki inzibati səylərini əks etdirir.
ArabAZ xəbər verir ki, İraq Xəbər Agentliyinin (INA) əldə etdiyi rəsmi bəyanata əsasən, azadlığa buraxılan 640 nəfərin hüquqi statusu aşağıdakı kateqoriyalara bölünüb:
Standart məhkəmə qərarları ilə, cəza müddətinin başa çatması, şərti azadlıq və ya bəraət qərarları əsasında 419 nəfər azad edilib.
Ümumi əfv qanununun müddəaları ilə ,qanuni əfv sərəncamlarına əsasən 221 nəfər sərbəst buraxılıb.
Ədliyyə Nazirliyi vurğulayıb ki, İraq İslah Departamenti standart təhlükəsizlik yoxlamaları və sənədlərin təsdiqi başa çatan kimi məhbusların dərhal sərbəst buraxılması üçün məhkəmə hakimiyyəti ilə davamlı koordinasiya şəraitində işləyir.
