DƏMƏŞQ,ArabAZ
Əsəd rejiminin devrilməsindən sonra tapılan sənədlər rejimlə İsrailin bir çox mövzuda əməkdaşlıq etdiyini ortaya çıxarıb. Rejimin İsrailə kəşfiyyat məlumatı verdiyi və Təl-Əvivin Suriya ərazisində İrana bu şəkildə hücum etdiyi görünür.
Əsəd rejiminin süqutundan sonra ortaya çıxan sənədlər rejimlə İsrail arasında gizli bir əlaqə kanalının olduğunu ortaya çıxarıb.
Suriyada bəzi jurnalistlərin üzə çıxardığı sənədlərdə “Suriya Ərəb Respublikası”nın rəsmi blankları və kəşfiyyat şöbəsinin möhürləri var.
Sənədlər arasında İsrailin Suriyanı “İran və Hizbullahın hərbi aktivlərinin axınının qarşısını almağa” çağırdığı məktub da var.
Bununla bağlı “Musa” kod adlı agent keçmiş rejimin müdafiə naziri, general-leytenant Əli Mahmud Abbasla birbaşa əlaqə saxlayır və HƏMAS-ın fəaliyyəti və onların nəticələri ilə bağlı xüsusi xəbərdarlıqlar edir. Sənədlərə görə, bu mesajlar daha sonra Milli Təhlükəsizlik Bürosunun keçmiş rəisi Əli Məmlükə ötürülüb.
ƏSƏD İSRAİLƏ İRAN MÖVQƏLƏRİNİ VURMAĞA İMKAN ETDİ
Başqa bir sənədə görə, 2023-cü il mayın 7-də İsrail qüvvələri Əsəd rejiminə bağlı İran məntəqələrini hədəfə alıb.
Sənədlər Əsəd rejiminin təkcə İsraildən kəşfiyyat məlumatları almadığını, həm də İranın mövqelərinə qarşı hücumları aktiv şəkildə əlaqələndirdiyini ortaya qoyur.
Sənədlərdə İsrailin Əsəd rejimi ilə məlumat mübadiləsi aparması, xəbərdarlıq və tövsiyələr verməsi, hücumlarla bağlı məlumat verməsi və yumşaq ton istifadə etməsi diqqət çəkir.
Bundan əlavə sənədlərdə Əsəd rejiminin İsraillə kəşfiyyat məlumatlarını paylaşdığını və hadisələrin inkişafı ilə bağlı məlumat verdiyini görmək olar.
