İsrailin məktəbi bombalaması nəticəsində 10 nəfər ölüb

RAMALLAH,ArabAZ

İsrailin Qəzza zolağının mərkəzindəki Nuseyrat düşərgəsində köçkünlərin məskunlaşdığı məktəbin girişini hədəf alan bombardman nəticəsində ən azı 10 fələstinli həlak olub.ArabAz xəbər verir ki, bombardman nəticəsində ölənlərin sayının artacağı istisna edilmir.
Qəzzada Səhiyyə Nazirliyi İsrailin 2023-cü il oktyabrın 7-dən bu yana Zolaqda apardığı müharibə nəticəsində ölən fələstinlilərin sayının 43 min 259 nəfərə, yaralıların sayının isə 101 827 nəfərə çatdığını açıqlayıb.