DOHA,ArabAZ
Qətər HƏMAS və İsrail arasında əsas vasitəçilik səylərini dayandırmaq qərarına gəlib.
Bununla belə, digər əsas vasitəçi olan Misirlə rəsmilərdən birinin sözlərinə görə, hər iki tərəf Qəzzadakı müharibə ilə bağlı razılığa gəlmək üçün “ciddi siyasi iradə” nümayiş etdirərsə, Qətərin səylərə qayıtması ehtimalı yüksəkdir.
Məsələ ilə bağlı məlumat verən diplomatik mənbə, Qətərin bu qərarı haqda ABŞ,İsrail və HƏMAS-ın məlumatlandırılıb.
HƏMAS-ın yüksək rütbəli rəsmisi Qətərin vasitəçilik səylərini dayandırmaq qərarından xəbərdar olduqlarını söyləyib.
Qətərin bu açıqlaması atəşkəs razılaşmasında irəliləyişin olmaması ilə bağlı artan məyusluqdan sonra edilib.
“Girovların azad edilməsi ilə bağlı təkrarlanan təklifləri rədd etdikdən sonra (Həmas) liderləri artıq heç bir Amerika tərəfdaşının paytaxtlarında qəbul edilməməlidir. Biz bunu Qətərə bir neçə həftə əvvəl HƏMAS-ın girovları azad etmək təklifini rədd etməsindən sonra demişik”,-deyə, ABŞ administrasiyasının yüksək rütbəli rəsmisi deyib.
Rəsmilər məsələnin həssaslığına görə anonimlik şərti ilə danışıblar. İsrail baş nazirinin ofisi heç bir şərh verməyib.
Bu arada, İsrailin şənbə günü Qəzzaya təşkil etdiyi üç ayrı hücumda qadın və uşaqlar da daxil olmaqla ən azı 16 nəfər həlak olub, Fələstin tibb rəsmiləri bildiriblər və İsrail aclıqdan əziyyət çəkən Qəzzanın viran qalan şimalına həftələr ərzində ilk humanitar yardım çatdırdığını açıqlayıb.
İsrailin Qəzzada HƏMAS yaraqlılarına və ya Livandakı Hizbullaha qarşı kampaniyalarının sonu yaxınlaşır, lakin buna baxmayaraq, İsrail ordusu gecə ərzində Beyrutun cənub ətraflarındakı Hizbullah komanda mərkəzlərinə və digər silahlı infrastruktura zərbələr endirib. Cümə günü axşam saatlarında İsrailin cənubundakı Tir liman şəhərinə endirdiyi hava hücumu nəticəsində azı 7 nəfər ölüb.
Qəzzada endirilən zərbələrdən biri Qəzza şəhərinin şərqindəki Tufah məhəlləsində məktəbə çevrilən sığınacaqda ən azı 6 nəfər həlak olub. Ölənlər arasında iki yerli jurnalist, bir hamilə qadın və bir uşağın olduğu bildirilir. İsrail ordusu, zərbənin Fələstin İslami Cihad qruplaşmasına aid bir yaraqlının hədəf alındığınıbildirib.
Nasir xəstəxanasının məlumatına görə, İsrailin cənubundakı Xan Yunis şəhərində köçkünlərin sığındığı çadıra endirdiyi zərbə nəticəsində 7 nəfər həlak olub. Ölənlər arasında iki qadın və bir uşağın olduğu bildirilir. İsrail ordusu insidenti şərh etməyib.
Qəzzaya humanitar yardımdan məsul olan İsrail hərbi qurumu COGAT şənbə günü bildirib ki, içərisində qida, su və tibbi avadanlıq olan 11 yardım maşını cümə axşamı günü anklavın uzaq şimalına çatıb. İsrailin keçən ay orada yeni hərbi kampaniyaya başlamasından bəri ilk dəfədir ki, hər hansı yardım uzaq şimala çatıb.
Lakin çatdırılma prosesində iştirak edən BMT-nin Ümumdünya Ərzaq Proqramına görə, bütün yardımlar razılaşdırılmış buraxılış məntəqələrinə çatmayıb. Ümumdünya Ərzaq Proqramının sözçüsü Alia Zəki bildirib ki, Cəbəliyə şəhər qaçqın düşərgəsində İsrail əsgərləri yaxınlıqdakı Beyt Lahiyaya gedən bir karvanı dayandırıb və təchizatların boşaldılmasını əmr ediblər.
