Qətər Azad Zonalar Qurumu (QFZ), qlobal iqtisadi dəyişikliklər fonunda investorların fəaliyyətini qorumaq və biznesin fasiləsizliyini təmin etmək məqsədilə yeni dəstək mexanizmlərini işə salıb. Bu addım Qətərin birbaşa xarici investisiyalar üçün regionun ən cəlbedici və təhlükəsiz mərkəzlərindən biri kimi mövqeyini daha da möhkəmləndirmək strategiyasının bir hissəsidir.
ArabAZ xəbər verir ki,m QFZ tərəfindən açıqlanan yeni tədbirlər paketi azad zonalarda fəaliyyət göstərən şirkətlərə əməliyyat xərclərini optimallaşdırmaq, rəqəmsal infrastruktura çıxışı asanlaşdırmaq və inzibati prosedurları daha da sürətləndirmək imkanı verir. Qurum bəyan edib ki, investorlara göstərilən bu dəstək təkcə mövcud bizneslərin qorunmasına deyil, həm də yeni texnoloji və sənaye layihələrinin Qətərə cəlb olunmasına xidmət edir.
Məlumata görə, rəqəmsal transformasiya və “ağıllı” logistika həlləri dəstək paketinin əsas sütunlarını təşkil edir. QFZ rəsmiləri vurğulayıblar ki, investorların ehtiyaclarına uyğunlaşdırılmış çevik tənzimləmə çərçivəsi biznesin qlobal tədarük zəncirindəki aksamalara qarşı dayanıqlığını artıracaq. Bu təşəbbüslər Qətərin “Milli Baxış 2030” proqramı çərçivəsində iqtisadiyyatın şaxələndirilməsi və özəl sektorun rolunun artırılması hədəfləri ilə tam üst-üstə düşür.
