Qətər Dövlətinin Əmiri Şeyx Təmim bin Həməd Al Sani ilə Suriya Ərəb Respublikasının Prezidenti Əhməd əş-Şəraa arasında çərşənbə günü mühüm bir telefon danışığı baş tutub.
ArabAZ xəbər verir ki, danışıq zamanı iki ölkə arasındakı qardaşlıq münasibətləri, birgə əməkdaşlığın gücləndirilməsi perspektivləri, eləcə də hər iki qardaş xalqın ortaq maraqlarının təmin edilməsi naminə bu əlaqələrin inkişaf etdirilməsi yolları ətraflı müzakirə olunub. Liderlər həmçinin regiondakı son proseslər ətrafında geniş fikir mübadiləsi aparıblar.
Müzakirələrin əsas mövzularından biri Amerika Birləşmiş Ştatları ilə İran İslam Respublikası arasında imzalanmış əməkdaşlıq memorandumu çərçivəsində aparılan son danışıqlar və regionda gərginliyin azaldılmasına yönəlmiş diplomatik addımlar olub. Liderlər regional təhlükəsizlik və sabitliyin gücləndirilməsinə töhfə verən diplomatik həll yollarının dəstəklənməsinin vacibliyini vurğulayıblar. Telefon danışığı zamanı Qətər Əmiri region ölkələri arasında daimi koordinasiya və məsləhətləşmələrin davam etdirilməsinin, habelə gərginliyin azaldılmasına və sabitliyin qorunmasına yönəlmiş regional və beynəlxalq səylərin dəstəklənməsinin mühüm əhəmiyyət kəsb etdiyini bir daha diqqətə çatdırıb.
