Suriya Prezidenti Əhməd əş-Şərra çərşənbə günü Birləşmiş Ərəb Əmirliklərinə (BƏƏ) rəsmi səfərə gəlib. Səfər çərçivəsində Prezident Əş-Şərranın BƏƏ Prezidenti Şeyx Məhəmməd bin Zayed Al Nahyan ilə görüşü, regional hadisələr və ikitərəfli əməkdaşlıq məsələlərini müzakirə edəcəyi gözlənilir.
ArabAZ xəbər verir ki, bu səfər Suriya dövlət başçısının çərşənbə axşamı Səudiyyə Ərəbistanından başladığı Körfəz turunun mühüm tərkib hissəsidir. Xatırladaq ki, Səudiyyə Ərəbistanında Vəliəhd şahzadə Məhəmməd bin Salman ilə keçirilən görüşdə əsas diqqət iqtisadi və investisiya tərəfdaşlıqlarının genişləndirilməsinə yönəlmişdi.
Çərşənbə günü daha əvvəl Dohada Qətər Əmiri Şeyx Təmim bin Həməd Al Tani ilə görüşən Əhməd əş-Şərra müxtəlif sektorlar üzrə əlaqələrin gücləndirilməsinin vacibliyini vurğulayıb. Suriya Prezidenti bir daha bəyan edib ki, ölkəsi İranın təcavüzündən zərər çəkmiş ərəb dövlətləri ilə tam həmrəydir. Keçirilən bütün yüksək səviyyəli görüşlərdə regionda təhlükəsizlik və sabitliyin təmin edilməsi üçün mövqelərin koordinasiya edilməsi əsas müzakirə mövzusu olub.
