Qətər dövlətinin Əmiri Şeyx Təmim bin Həməd Al Tani çərşənbə günü səhər saatlarında Lusail sarayında «TotalEnergies» şirkətinin idarə heyətinin sədri və baş icraçı direktoru Patrik Puyanneni qəbul edib.
ArabAZ xəbər verir ki, görüş zamanı Qətər ilə «TotalEnergies» arasındakı mövcud əməkdaşlıq münasibətləri və energetika sahəsində bu əlaqələrin gələcək inkişaf perspektivləri müzakirə olunub. Həmçinin energetika sektorundakı qarşılıqlı maraq doğuran bir sıra aktual məsələlər ətrafında fikir mübadiləsi aparılıb. Patrik Puyanne şirkətin Qətərdə həyata keçirdiyi layihələr və gələcək investisiya planları barədə Əmirə məlumat verib.
