Səudiyyə Ərəbistanının bələdiyyələr və mənzil naziri Məcid Əl-Hoqayl (Majed Al-Hogail) və Azərbaycan Respublikası Baş nazirinin müavini Samir Şərifov iki ölkə arasında iqtisadi və şəhərsalma sferasında ikitərəfli əməkdaşlıq perspektivlərini müzakirə ediblər. Onların rəsmi görüşü bazar günü Bakıda keçirilən Ümumdünya Şəhərsalma Forumunun 13-cü sessiyasının (WUF13) kuluarları çərçivəsində baş tutub.
ArabAZ xəbər verir ki, görüş zamanı tərəflər şəhərsalma planlaşdırılması, mənzil təminatı və “ağıllı şəhər” (smart city) idarəçiliyi sahələrində birgə layihələrin hazırlanması imkanlarını nəzərdən keçiriblər. Nazirlər şəhərlərin səmərəliliyini və həyat keyfiyyətini yüksəldən dayanıqlı inkişaf yolları ətrafında geniş fikir mübadiləsi aparıblər.
Əl-Hoqayl və Şərifov Krallığın “Səudiyyə Vizyon 2030” (Saudi Vision 2030) strategiyasına uyğun olaraq, innovasiya və infrastrukturun səmərəliliyinə əsaslanan şəhərlərin yenidən qurulması və davamlı şəhər mühitinin yaradılması sahəsində əldə etdiyi mühüm uğurları xüsusilə vurğulayıblar. Bu görüş Krallığın WUF13 forumundakı fəal iştirakını və qlobal şəhərsalmanın gələcəyinin formalaşdırılmasındakı rolunu bir daha nümayiş etdirib.
