Bakı,AzerVoice
Türkiyənin Fenerbahçe klubu UEFA Avropa Liqasının üçüncü turu çərçivəsində İngiltərənin Mançester Yunayted klubu ilə qarşılaşacaq.
AzerVoice xəbər verir ki, görüş bu gün Bakı vaxtı ilə 23:00-da başlayacaq.
Fenerbahçenin heyətində İsmail Yüksek, Osayi-Samuel və İrfan Can Eğribayat zədə səbəbindən oyunu buraxacaq.
Komandalar daha əvvəl 2016-cı ildə Avropa liqasının qrup mərhələsində üz-üzə gəliblər. Səfərdə 4-1 hesabı ilə məğlub olan Türkiyə təmsilçisi, evində 2-1 hesabı ilə qalib gəlmişdi.
Qeyd edək ki, iki turdan sonra Fenerbahçe dörd xal ilə 14-cü pillədə, Mançester Yunayted isə iki xalla 21-ci pillədə yer alıb.
