Qalatasaray və Fənərbaxça cərimələnib

Türkiyə Futbol Federasiyasının (TFF) Peşəkar Futbol İntizam Kurulu (PFDK) "Turkcell Süper Kupa" oyununda baş verən hadisələrlə bağlı qərarlarını açıqlayıb. TFF-nin rəsmi saytında yer alan məlumata görə, "Qalatasaray" klubu ümumilikdə 1 milyon 320 min lirə cərimə olunub. Bu məbləğin 220 min lirəsi azarkeşlərin törətdiyi meydan hadisələrinə, 1 milyon 100 min lirəsi isə komandanın kupa mükafatlandırma mərasiminə (seremoniyasına) qatılmamasına görə kəsilib. Eyni qarşılaşmada "Fənərbaxça" klubu da azarkeşlərinin səbəb olduğu hadisələrə görə 330 min lirə cərimə edilib.

16 Yanvar 2026 12:26

BAKI, AzerVoice, Nailə Babazadə

Türkiyə Futbol Federasiyasının (TFF) Peşəkar Futbol İntizam Kurulu (PFDK) "Turkcell Süper Kupa" oyununda baş verən hadisələrlə bağlı qərarlarını açıqlayıb.

AzerVoice xəbər verir ki, TFF-nin rəsmi saytında yer alan məlumata görə, "Qalatasaray" klubu ümumilikdə 1 milyon 320 min lirə cərimə olunub. Bu məbləğin 220 min lirəsi azarkeşlərin törətdiyi meydan hadisələrinə, 1 milyon 100 min lirəsi isə komandanın kupa mükafatlandırma mərasiminə (seremoniyasına) qatılmamasına görə kəsilib. Eyni qarşılaşmada "Fənərbaxça" klubu da azarkeşlərinin səbəb olduğu hadisələrə görə 330 min lirə cərimə edilib.

İntizam Kurulu həmçinin aşağı liqalarda mübarizə aparan "Vanspor"a 480 min, "Amed Sportif Faaliyetler"ə 300 min və "Sakaryaspor"a 137 min lirə pul cəzası verib. "Iğdır FK"-nın futbolçusu Gianni Bruno rəqibinə qarşı zorakı hərəkətinə görə 3 oyunluq, "Sivasspor"lu Özkan Yiğiter isə ciddi qayda pozuntusuna görə 2 oyunluq cəzalandırılıb.

Bundan əlavə, TFF 2-ci Liqada mübarizə aparan "Yeni Mersin İdmanyurdu"nun "Menemen FK" ilə matça çıxmaması səbəbindən komandaya texniki məğlubiyyət verilib və aktivindən 3 xal silinib. Qərarların elan edilməsindən sonra klubların Apelyasiya Şurasına müraciət etmək hüququnun olduğu bildirilir.