BAKI,VOA

Türkiyənin “Fənərbağça” futbol klubu hücum xəttini Belçika millisinin ulduz futbolçusu Romelu Lukaku ilə gücləndirməyə hazırlaşır.

VOA xəbər verir ki, İstanbul təmsilçisi 33 yaşlı hücumçunun transferi üçün İtaliyanın “Napoli” klubu ilə razılıq əldə edib.

Bildirilir ki, tərəflər son günlər transferlə bağlı intensiv danışıqlar aparıblar. “Fənərbağça”nın ilk 5 milyon avroluq təklifi ilə “Napoli”nin tələbi arasında fərq olsa da, İstanbul klubunun yeni təklifi razılaşmanın əldə olunmasına imkan verib.

Lukakunun da Türkiyə klubuna keçidə razılıq verdiyi qeyd olunur. Belçikalı hücumçunun “Fənərbağça” ilə ikiillik müqavilə imzalayacağı və bonuslarla birlikdə illik təxminən 10 milyon avro qazanacağı gözlənilir.