27–29 noyabr tarixlərində Qətərdə keçiriləcək "Formula 1 Qatar Airways Qatar Grand Prix 2026" yarışı öncəsi biletlərə böyük maraq fonunda "F1 Paddock Club" kateqoriyası üzrə bütün yerlər rəsmi olaraq tam satılıb.
2026-cı il F1 mövsümünün sondan əvvəlki mərhələsi olan Qətər Qran-prisi çempionat mübarizəsinin həlledici nöqtələrindən birinə çevrilib. Mövsümün ikinci yarısında üç fərqli komandadan beş müxtəlif pilotun podiuma yüksəlməsi yarış həyəcanını daha da artırıb.
"Paddock Club" yerləri tam tükəndiyindən, təşkilatçılar azarkeşləri qalan kateqoriyalar üzrə biletləri tez almağa çağırır. Əsas tribunaların bir hissəsində də biletlər artıq bitib. Yarış həftəsonu üçün nəzərdə tutulan bütün 3 günlük biletlər "Fanzone" zonasına, yemək məkanlarına, yarışdan sonrakı konsertlərə və rəsmi məhsul mağazalarına giriş, habelə pulsuz servis (shuttle), parkinq və xüsusi taksi xidmətlərini əhatə edir.
Qətər halal turizm sahəsində uğurunu necə qoruyub saxlayıb?
Bilet qiymətləri və kateqoriyalar:
Əsas tribuna (Main Grandstand): Qalan sektorlar üzrə 2 000 Qətər riyalı
Şimal tribunası (North Grandstand): 1 500 Qətər riyalı
2-ci, 3-cü və 16-cı döngə tribunaları: Hər biri 1 000 Qətər riyalı
Luseyl Təpəsi (General Admission – Lusail Hill): 600 Qətər riyalı
VIP və premium təcrübə axtaran azarkeşlər üçün Luseyl Beynəlxalq Halqasının (LIC) "Premiere Hospitality" xidmətləri, o cümlədən "Lusail Hill Lounge", "F1 Experiences Champions Club" və Pan-Asiya/İtalyan menyusu ilə seçilən "Novikov Doha" qonaqpərvərlik paketləri hələ ki satışdadır. Biletlər yalnız rəsmi "tickets.lcsc.qa" saytı vasitəsilə təqdim olunur.
