BAKI,VOA, Fərid Mikayılov
Avropa İttifaqı İranla bağlı danışıqların nəticələrinin riskli ola biləcəyi barədə xəbərdarlıq edib.
VOA xəbər verir ki, Kaya Kallas ABŞ və İran arasında aparılan danışıqlarda nüvə sahəsi üzrə ixtisaslaşmış ekspertlərin iştirak etməməsinin gələcək razılaşmanı zəiflədə biləcəyini bildirib.
Kallas əlavə edib ki, İranın raket proqramı, silahlı qruplara dəstəyi, eləcə də Avropada hibrid və kiber fəaliyyətləri kimi məsələlər də danışıqların gündəliyinə daxil edilməlidir. Əks halda, mövcud proses region və Avropa üçün daha böyük təhlükə yarada bilər.
Aİ rəsmisi vurğulayıb ki, bu məsələlər nəzərə alınmazsa, nəticədə “daha təhlükəli İran” formalaşa bilər.
