BAKI,VOA, Fərid Mikayılov
İranın xarici işlər naziri Abbas Əraqçi Yaxın Şərqdəki təhlükəsizlik dinamikası ilə bağlı kəskin bəyanat yayaraq bildirib ki, Tehran İsrailin Livan ərazisini işğal etməkdə davam etməsini ABŞ ilə əldə olunmuş qarşılıqlı anlaşma memorandumunun birbaşa pozulması kimi qiymətləndirəcək.
VOA xəbər verir ki, Əraqçi vurğulayıb ki, İran və Livandakı müharibələrin dayandırılması prosesi bir-biri ilə sıx bağlıdır.
Diplomatik ritorikanı sərtləşdirən İranın baş diplomatı bəyan edib ki, İsrailin bundan sonra Livana edəcəyi hər hansı hərbi hücum "heç vaxt qəbul edilməyəcək".
Bu addım regionda atəşkəs rejiminin pozulacağı təqdirdə gərginliyin yenidən pik həddə çatacağına dair ciddi xəbərdarlıq siqnalıdır.
