Əli Xameneinin ailə üzvləri də onunla birlikdə dəfn olunacaq

İranda Əli Xameneinin dəfn mərasimi davam edir. Mərasimdə 100-dən çox ölkənin nümayəndələrinin iştirakı gözlənilir. İran tərəfi bəzi Avropa ölkələrinə dəvət göndərmədiyini bildirib. Anım tədbirləri daha sonra İraqın Nəcəf və Kərbəla şəhərlərində davam edəcək. Əli Xamenei doğulduğu Məşhəd şəhərində dəfn olunacaq. Hava zərbəsi nəticəsində həlak olduğu bildirilən ailə üzvləri də onunla birlikdə torpağa tapşırılacaq. Onların arasında üç yaşlı nəvəsinin də olduğu bildirilir.

3 İyul 2026 18:25

BAKI,VOA,Yusif Şərifzadə

İranın keçmiş ali rəhbəri Əli Xameneinin dəfn mərasimi bir neçə gün davam edəcək. Mərasim çərçivəsində ABŞ və İsrailin fevralın 28-də həyata keçirdiyi hava zərbəsi nəticəsində həlak olduğu bildirilən ailə üzvləri də torpağa tapşırılacaq.

VOA xəbər verir ki, Əli Xameneinin dəfn mərasimi başlayıb və onunla vida mərasiminə dünyanın 100-dən çox ölkəsindən nümayəndə heyətlərinin qatılması gözlənilir.

Məlumata görə, İran Xarici İşlər Nazirliyi İsrail və ABŞ-nin İrana qarşı hərbi əməliyyatlarını dəstəkləyən Avropa ölkələrinə mərasim üçün dəvət göndərməyib.

Bildirilir ki, rəsmi anım tədbirləri bir neçə gün davam edəcək. Mərasimlər daha sonra İraqın Nəcəf və Kərbəla şəhərlərində keçiriləcək, ardınca isə Əli Xameneinin doğulduğu Məşhəd şəhərində dəfn mərasimi baş tutacaq.

Məlumata əsasən, fevralın 28-də baş vermiş hava zərbəsində həlak olduğu bildirilən Əli Xameneinin qızı, gəlini, kürəkəni və üç yaşlı nəvəsi də onunla birlikdə dəfn ediləcək.