ABŞ ordusu İrana qarşı son zərbələr dalğasının başa çatdığını açıqlayıb

ABŞ Mərkəzi Komandanlığı İrana qarşı son zərbələr dalğasının başa çatdığını açıqlayıb. Məlumata görə, əməliyyat 90 dəqiqə davam edib və Vaşinqton vaxtı ilə səhər saat 07:30-da yekunlaşıb. Zərbələr Böyük Tunb adasında yerləşən sahil müdafiə sistemləri, qanadlı raket anbarları və buraxılış məntəqələrini hədəf alıb. ABŞ tərəfi yüksək dəqiqlikli sursatlardan istifadə olunduğunu bildirib. Vaşinqton iddia edir ki, bu əməliyyat İranın Hörmüz boğazında ticarət gəmilərinə hücum imkanlarını daha da zəiflədib. Hücumun nəticələri ilə bağlı əlavə məlumat açıqlanmayıb. İran isə məsələ ilə bağlı hələlik rəsmi bəyanat verməyib. Bölgədə hərbi gərginlik və beynəlxalq narahatlıq davam edir.

15 İyul 2026 17:47

BAKI,VOA,Yusif Şərifzadə

ABŞ Mərkəzi Komandanlığı İrana qarşı həyata keçirilən son zərbələr dalğasının başa çatdığını açıqlayıb.

VOA xəbər verir ki, ABŞ Mərkəzi Komandanlığının yaydığı məlumata görə, Vaşinqton vaxtı ilə səhər saat 07:30-da başa çatan və 90 dəqiqə davam edən əməliyyat zamanı Böyük Tunb adasındakı sahil müdafiə sistemləri, qanadlı raketlərin saxlanıldığı anbarlar və buraxılış məntəqələri yüksək dəqiqlikli sursatlarla vurulub.

Komandanlıq əməliyyatın dənizdəki hərbi hədəflərə qarşı yönəldiyini bildirib.

Açıqlamada iddia olunub ki, həyata keçirilən zərbələr İranın Hörmüz boğazında ticarət gəmilərinə hücum imkanlarını daha da zəiflədib.

ABŞ tərəfi əməliyyatın nəticələri və dəymiş ziyanın miqyası barədə əlavə məlumat açıqlamayıb.

İran rəsmiləri isə ABŞ-ın bu açıqlamasına hələlik rəsmi münasibət bildirməyiblər.

Hörmüz boğazı dünya enerji daşımalarının əsas marşrutlarından biri hesab olunur və bölgədə baş verən hərbi gərginlik beynəlxalq ticarət üçün ciddi risk yaradır.