BAKI,VOA, Fərid Mikayılov

İran Silahlı Qüvvələrinin Baş Qərargah rəisi Əli Abdullahi Körfəz ölkələrinə xəbərdarlıq edərək, Birləşmiş Ştatlar ordusuna hər hansı köməklik göstərməməyə çağırıb. O, regionda baş verən bütün hərbi hərəkətliliyin Tehranın nəzarəti altında olduğunu vurğulayaraq, "gözümüzdən heç nə yayınmır" ifadəsini işlədib.

VOA xəbər verir ki, Abdullahi bildirib ki, regional bazalarda bu qədər çox hərbi təyyarənin, xüsusilə də havada yanacaqdoldurma gəmilərinin bulunması ev sahibi olan ölkələrin xəbəri olmadan mümkün deyil.

İran hərbi rəhbərliyinin mövqeyini kəskin şəkildə ifadə edən Əli Abdullahi bəyanatında bu fikirləri qeyd edib:

"Biz xəbərdarlıq edirik: ABŞ ordusuna göstərilən hər hansı yardım və ya yaradılan şərait, ABŞ hərbi qüvvələri ilə birlikdə bizə qarşı hərbi əməliyyatlarda birbaşa iştirak etməyə bərabərdir".