Quba,AzerVoice
Prezident İlham Əliyevin rəhbərliyi ilə həyata keçirilən
sosial-iqtisadi inkişaf strategiyası ölkəmizdə taleyüklü
məsələlərin həllini mumkün edib.
AzerVoice xəbər verir ki, bunu QİAD
İdarə Heyətinin sədri Cabbar Heybətov oktyabrın 25-də Qubada iş
adamları ilə keçililən görüş zamanı açılış nitqində deyib.
O qeyd edib ki, 44 günlük Vətən müharibəsində Azərbaycanın mütləq
Qələbəsini tam şərtləndirən və ərazi bütövlüyünün bərpasının təmin
edilməsi məhz, iqtisadi gücün vacibliyi yönündə aparılan düzgün
iqtisadi strategiya və düşünülmüş məqsədyönlü siyasət nəticəsində
olmuşdur.
“Bütün
sferalarda aparılan çevik islahatlar sabitliyin təmin edilməsi,
dövlət proqramlarının qəbul olunması işgüzar insanlar üçün yeni
fürsətlər və iş imkanları deməkdir. Qiad olaraq biz iş dünyası ilə
ictimaiyyət arasında əlaqələrin qurulmasına , iş insanlarının bilik
və bacarıqlarının artırılmasını hədəfləyərək kənd təsürrüfatı,
turizm və digər sahələrdə yeni inovasiyalara əsaslanan layihələri
sürətləndirməyi, inkişaf etdirməyi qarşımıza məqsəd qoymuşuq.
QİAD sədri onu da bildirib ki, 2019–2023-cü illəri ehatə edən
regionların sosial-iqtisadi inkişafı Dövlət Proqramında nəzərdə
tutulan tədbirlərin uğurla həyata keçirilməsi Quba rayonunda da öz
əksini tapıb.
“Qubada kənd təsərrüfatına yararlı torpaqların 19 min hektarını
meyvəbağları təşkil edir ki, onların da 15 min hektarı intensiv və
yari intensiv tipli bağlardır. Son illər intensiv bağların həndəsi
silsilə ilə artması, bağbanlarımızın qabaqcıl texnologiyalara
meyilli olması, yeni meyvə çeşidlərinə təlabatla yanaşı ,
Sahibkarlığa Kömək Milli Fondundan və digər güzəştli dövlət
layihələrinin dəstəyi ilə olub.Texnika ve suvarma avadanlıqlarına
tətbiq edilən lizinqşərtləri intensiv bağçılığa keçidi daha da
asanlaşdırır və əlçatan edir”-deyə QİAD sədri bildirib.
QİAD –ın missiyasında danışan Heybətov bildirib ki, bu bölgəmizdə
fəaliyyət göstərən iş adamlarını dəstəkləyərək, günümüzün dinamik
inkisaf tempinə uyğunlaşmasını təmin etmə və həmçinin iqtisadiyyat
üçün rəqabətə davamlı mühit formalaşdırmaqdır.
Qeyd edək ki, bu gün Qubada QİAD təşkilatıçılığı ilə sahibkarlarla
görüş keçirib.Görüşə yüzdən çox sahibkar, çoxlu sayda qonaqlar və
eləcə də, iştirakçı qatılıb.
