Bakı, AzerVoice
Türkiyə xarici işlər naziri Hakan Fidan Qətərin baş naziri və xarici işlər naziri Şeyx Məhəmməd bin Əbdürrəhman Əl Tani və Misirin xarici işlər naziri Bədr Əbdüləti ilə ayrı-ayrılıqda telefonla danışıb.
AzerVoice xəbər verir ki, görüşlərdə radikal israillilərin Məscidül-Əqsaya hücumu, Qəzzada son vəziyyət və bölgədəki hadisələr müzakirə edilib.
Səhər saatlarından etibarən İsrailin milli təhlükəsizlik naziri, ifrat sağçı İtamar Ben-Qvir və İsrailin Negev və Qaliley inkişaf naziri Yitzhak Vasserlauf, eləcə də fanatik yəhudilər İsrail polisinin himayəsi altında Məscidül-Əqsaya basqın ediblər.
Qüds İslam Vəqfləri İdarəsindən verilən açıqlamaya görə, Əl-Əqsaya basqına təxminən 2250 fanatik yəhudi qatılıb.
Bəzi fanatik yəhudilərin Məscidül-Əqsada yerə səcdə edərək Talmudik ayinlərini icra etdikləri görülüb.
Hafiz Rufizoğlu
