BAKI,VOA, Nailə Babazadə
Bəhreyn ordusunun rəsmi sosial media hesabından verilən məlumata görə, ölkənin hava hücumundan müdafiə sistemləri son bir sutka ərzində İrandan gələn intensiv hücumların qarşısını alıb. Açıqlamada son 24 saat ərzində 20 raket və 23 pilotsuz uçuş aparatının (PUA) havada məhv edildiyi bildirilir.
VOA xəbər verir ki, ordunun hesabatına əsasən, fevralın 28-dən bu günə qədər Bəhreyn səmalarında cəmi 174 raket və 385 PUA önlənərək məhv edilib. Bu rəqəmlər bölgədəki hərbi gərginliyin nə dərəcədə ciddi olduğunu göstərir.
İran tərəfi ABŞ və İsrailin hücumlarına cavab olaraq fevralın 28-dən bəri regiondakı 7 ərəb ölkəsində yerləşən ABŞ bazalarını və strateji əhəmiyyətli nöqtələri hədəf almağa davam edir. Bəhreyn də bu genişmiqyaslı raket və PUA hücumlarına məruz qalan ölkələr arasındadır.
