BAKI,VOA Yusif Şərifzadə
İşğal altındakı İordan çayının qərb sahilində, Tubas şəhərinin şimalında yerləşən Əqqabə qəsəbəsində İsrail hərbçilərinin davam edən reydi zamanı azı 2 nəfər yaralanıb, 17 nəfər isə saxlanılıb.
VOA xəbər verir ki, Fələstin Qızıl Aypara Cəmiyyəti tərəfindən verilən qısa bəyanatda bildirilir ki, yaralanan şəxslər İsrail əsgərləri tərəfindən döyülüb və onlara dərhal tibbi yardım göstərilib.
Tubasdakı Fələstinli Məhbuslar Klubunun direktoru Kamal Bani Odeh, WAFA xəbər agentliyinə açıqlamasında təsdiqləyib ki, İsrail qüvvələrinin qəsəbəyə daxil olmasından sonra indiyədək 17 nəfər saxlanıb.
