BAKI,VOA, Fərid Mikayılov

İsrailin Baş naziri Benyamin Netanyahu Livanın cənubunda həyata keçirilən hərbi əməliyyatların genişləndirilməsi barədə orduya göstəriş verdiyini açıqlayıb.

VOA xəbər verir ki, Netanyahu iştirak etdiyi tədbirdə Livandakı vəziyyətə dair danışaraq bildirib ki, İsrail ordusuna əməliyyatların miqyasını artırmaq və hərbi fəaliyyətin intensivliyini yüksəltmək tapşırılıb.

Onun sözlərinə görə, İsrail Silahlı Qüvvələrinin quru bölmələri Livanın cənubundakı Litani çayı xəttini keçərək daha şimal istiqamətlərində fəaliyyət göstərir.

Baş nazir həmçinin strateji əhəmiyyət daşıyan və tarixi Şakif qalası ətrafındakı yüksəkliklərin nəzarətə götürüldüyünü bildirib.

Qeyd edək ki, Netanyahu bir gün əvvəl verdiyi açıqlamada İsrail ordusunun Livanın cənubunda həyata keçirdiyi əməliyyatların Litani çayından kənara doğru genişləndirildiyini bəyan etmişdi.