BAKI,VOA,Yusif Şərifzadə
Qətərin əmiri Şeyx Təmim bin Həməd Al Tani ABŞ və İran arasında əldə olunan memorandumla bağlı müsbət mövqe bildirib.
VOA xəbər verir ki, o bu barədə Yeddilər Qrupu (G7) sammiti çərçivəsində ABŞ Prezidenti Donald Trampla görüşdən sonra “X” sosial şəbəkəsində paylaşım edib.
Qətər lideri görüşdə regional vəziyyətlə bağlı son inkişaflar üzrə birgə koordinasiyanın gücləndirilməsi yollarını müzakirə etdiklərini bildirib.
O qeyd edib ki, ABŞ–İran razılaşmasını yüksək qiymətləndirir və bu prosesdə iştirak edən tərəflərə təşəkkürünü ifadə edib.
Şeyx Təmim həmçinin Pakistan və digər dəstək verən ölkələrin rolunu da xüsusi vurğulayıb.
Qətər əmiri bildirib ki, gələcək danışıqların daha konstruktiv dialoq və əməkdaşlıq mühitində davam etməsini arzulayır.
Onun sözlərinə görə, məqsəd regionda və beynəlxalq müstəvidə sülh və sabitliyin gücləndirilməsidir.
