BAKI,VOA,Yusif Şərifzadə
İsrailin Qəzza zolağına endirdiyi son zərbələr nəticəsində biri uşaq olmaqla azı beş nəfər həyatını itirib.
VOA xəbər verir ki, Qəzza rəsmilərinin məlumatına əsasən, İsrailə məxsus pilotsuz uçuş aparatı dinc sakinlərin olduğu əraziyə zərbə endirib.
Əl-Əqsa Xəstəxanasının yaydığı açıqlamada bildirilib ki, hücum nəticəsində üç nəfər həlak olub, bir neçə nəfər isə yaralanıb. Ölənlər arasında səkkiz yaşlı uşaq da var.
Bundan başqa, Qəzzanın Mülki Müdafiə Xidməti Xan Yunis şəhərində çadıra endirilən hava zərbəsi nəticəsində daha iki nəfərin öldüyünü, 27-dən çox insanın isə yaralandığını açıqlayıb.
Qəzza Səhiyyə Nazirliyinin məlumatına görə, ötən ilin oktyabr ayında qüvvəyə minmiş atəşkəsdən sonra İsrailin hücumları nəticəsində Qəzza zolağında azı 1 045 fələstinli həlak olub.
