Alman aviaşirkəti Təl-Əvivə uçuşların ləğvini uzadıb

Açıqlamada Tel-Əviv uçuşlarının 31 yanvar 2025-ci il tarixinə qədər dayandırıldığı bildirilərkən, bu vəziyyətdən təsirlənən sərnişinlərin pulsuz olaraq daha sonrakı səyahət tarixinə yenidən bron edə və ya alternativ olaraq bilet haqqını tam geri ala biləcəkləri qeyd edilib.

4 Dekabr 2024 10:00

Bakı,AzerVoice

Alman aviaşirkəti Lufthansa, Tel-Əvivə uçuşların ləğv edilməsini 31 yanvar 2025-ci ilə qədər uzadıb.

AzerVoice xəbər verir ki, Eurowings, Swiss, Brussel və Austrian Airlines şirkətlərinə sahib olan Lufthansa Qrupu Yaxın Şərqdə baş verən hadisələrlə əlaqədar Tel-Əvivə uçuşların ləğvi müddətini 31 yanvar 2025-ci ilə qədər uzadıb.

Lufthansa Qrupundan verilən açıqlamada, Yaxın Şərqdəki son hadisələrlə əlaqədar uçuş planında yeniləmənin edildiyi bildirilib.

Lufthansa Group daha əvvəl İranın paytaxtı Tehrana 31 yanvar 2025-ci il tarixinə, Livanın paytaxtı Beyruta isə 28 fevral 2025-ci il tarixinədək uçuşların ləğv edildiyini açıqlamışdı.

İsrailin hücumlarından sonra artan təhlükəsizlik narahatlığına görə, Lufthansa son vaxtlar Yaxın Şərqə uçuşların ləğvini bir neçə dəfə uzadıb.