Bakı, AzerVoice
Avropa İttifaqı (Aİ) 800 milyard avroluq Avropanın hərbiləşdirilməsi planını qəbul edib.
AzerVoice xəbər verir ki, Aİ liderləri Brüsseldə keçirilən sammitdə Avropa Komissiyasının təklif etdiyi 800 milyard avroluq Avropanın hərbiləşdirilməsi planı üzrə razılığa gəliblər.
Qeyd edək ki, daha öncə Avropa Komissiyasının sədri Ursula fon der Leyen Brüsseldə keçirdiyi mətbuat konfransında Avropa İttifaqının (Aİ) yeni müdafiə paketi və yenidən silahlanma planını təqdim etmişdi. O, Avropanın hazırlıqsız qalması halında ciddi fəlakətlərlə üzləşə biləcəyini bildirmişdi.
Avropanın sürətli və qətiyyətli şəkildə hərəkət etməsinin vacibliyini bildirən fon der Leyen, "Biz yenidən silahlanma dövründəyik. Avropa müdafiə xərclərini əhəmiyyətli dərəcədə artırmağa hazırdır" demişdi.
