Bakı,AzerVoice

Yaponiya ABŞ-la yerli istehsal olan PAC-3 tipli kəsici raketlərin satışı üçün 19,5 milyon dollarlıq müqavilə imzalayıb.

AzerVoice xəbər verir ki, bu barədə Yaponiya Müdafiə Nazirliyi məlumat yayıb.

Müqaviləyə əsasən, Yaponiya Hava Özünümüdafiə Qüvvələri ABŞ ordusuna 19,5 milyon dollar dəyərində PAC-3 tipli ələ keçirən raketlər göndərəcək.

Yaponiyanın müdafiə naziri Kihara Minoru mətbuata verdiyi açıqlamada bu müqavilənin Yaponiya-ABŞ ittifaqı üçün vacib olduğunu vurğulayıb.

"Yaponiya müdafiə avadanlığı ixracını davam etdirməyə hazırdır, çünki bu satışlar Hind-Sakit okean regionunda sülh və sabitliklə yanaşı, ölkənin təhlükəsizliyinə də töhfə verəcək",- deyə nazir bildirib.

Qeyd edək ki, PAC-3 tipli kəsici raketlərin istehsalına təxminən 20 il əvvəl Yaponiya şirkəti tərəfindən başlanılıb.