Əbu-Dabidə sentyabrın 26-da Birləşmiş Ərəb Əmirliklərində ilk beynəlxalq peşəkar sumo yarışı keçiriləcək.
ArabAZ məlumat verir ki, “Space42 Arena”da keçiriləcək “All-Star Sumo Competition” yarışında Yaponiya, Monqolustan və Misirdən 9 peşəkar sumoçu 36 qarşılaşmada mübarizə aparacaq.
Yarışın iştirakçıları arasında Yaponiya təmsilçiləri İçi və Hiroki, Monqolustandan Mendee, eləcə də Misirdən Ramy El-Gazar yer alır. İçi daha əvvəl imperator kubokunun qalibi olub.
Tədbir Əbu-Dabi Mədəniyyət və Turizm Departamentinin təşkilatçılığı ilə keçiriləcək. Tamaşaçılar yalnız döyüşləri deyil, həmçinin sumoya xas ənənəvi rinqə çıxış mərasimi və qarşılaşmalardan əvvəl keçirilən ritualları da izləyə biləcəklər.
