Səudiyyə Ərəbistanının 20 yaşadək futbolçulardan ibarət milli komandası 2027-ci ildə Çində keçiriləcək U-20 Asiya Kubokunun seçmə mərhələsində Qətər üzərində 1:0 hesablı qələbə qazanıb.

ArabAZ xəbər verir ki,E qrupunun üçüncü və son turunda keçirilən qarşılaşmada Səudiyyə Ərəbistanının qələbə qolunu Talal İbrahim 81-ci dəqiqədə vurub. Bu nəticə komandanın qrupda keçirdiyi üç oyunda üçüncü qələbəsi olub.

Qrupun digər oyununda Oman və Honq Konq 1:1 hesablı heç-heçə edib.

Beləliklə, Səudiyyə Ərəbistanı üç oyundan 9 xalla E qrupunu birinci pillədə başa vurub. Oman 4 xalla ikinci, Qətər 3 xalla üçüncü, Honq Konq isə 1 xalla sonuncu olub. Səudiyyə Ərəbistanı qrup qalibi kimi 2027-ci ildə Çində keçiriləcək final mərhələsinə birbaşa vəsiqə qazanıb.

Səudiyyə Ərəbistanı seçmə mərhələdə ilk oyunda Honq Konqa 2:0, ikinci turda isə Omana 3:2 hesabı ilə qalib gəlib. Qətər isə ilk turda Omana 1:2 uduzub, ikinci turda Honq Konq üzərində 3:0 hesablı qələbə qazanıb.

Seçmə mərhələnin formatına əsasən, hər qrupun qalibi ilə yanaşı, səkkiz qrupda ikinci yeri tutan komandalar arasında ən yaxşı nəticəyə malik yeddi kollektiv də final mərhələsinə vəsiqə qazanacaq. 2027-ci il U-20 Asiya Kuboku Çində keçiriləcək.