Bakı,AzerVoice

Rusiyanın xarici siyasət idarəsi "YouTube" platformasını Vaşinqtonun siyasi təlimatlarını yerinə yetirməkdə ittiham edib.

AzerVoice xəbər verir ki, bu barədə Rusiyanın Xarici İşlər Nazirliyinin İnformasiya və Mətbuat Departamentinin direktor müavini Andrey Nastasin brifinqdə çıxışında deyib.

O qeyd edib ki, "YouTube" administrasiyası "Roskomnadzor"un pozuntularla olan 60 mindən çox materialının silinməsi ilə bağlı qanuni tələbini rədd edir. Bunlara qadağan olunmuş ekstremist materialları, o cümlədən, Rusiya vətəndaşlarına münasibətdə qanunazidd hərəkətlərə çağırışlar daxildir.

Qeyd edək ki, "Google"da problemlər səbəbindən "YouTube"un işində mümkün nasazlıqların yaranacağı barədə rusiyalılara xəbərdarlıq edilib.