BAKI, AzerVoice
UBS bankının keçirdiyi illik sorğunun nəticələrinə əsasən, Dünya mərkəzi banklarının təxminən 50 faizi ABŞ-ın dövlət borcunun restrukturizasiyasını "mümkün ssenari" kimi qiymətləndirir.
AzerVoice-un məlumatına görə, may–iyun aylarında aparılan araşdırmada təxminən 40 ölkənin mərkəzi bank nümayəndələri iştirak edib.
Sorğu iştirakçılarının təxminən üçdə ikisi ABŞ Federal Ehtiyat Sisteminin (FED) müstəqilliyinə risklərdən narahatdır, digərləri isə ABŞ-dakı makroiqtisadi göstəricilərin keyfiyyəti və hüququn aliliyinin zəifləməsindən ehtiyat edir.
Bununla belə, sorğuda iştirak edənlərin 80 faizi ABŞ dollarının əsas ehtiyat valyutası statusunu qoruyub saxlayacağını düşünür. Lakin avro və yuan kimi alternativ valyutalara marağın artdığı da qeyd olunur.
Respondentlərin 74 faizi üçün qlobal iqtisadiyyat üçün əsas risk ABŞ prezidenti Donald Tramp administrasiyasının ticarət siyasəti hesab olunur. Buraya idxal rüsumları və beynəlxalq ittifaqlara yenidən baxılması daxildir. Bu, əvvəlki illərdə əsas risk kimi göstərilən geosiyasi təhdidlərin yerini alıb.
Sorğu göstərir ki, qlobal iqtisadiyyatla bağlı pessimizm artmaqdadır. Respondentlərin əksəriyyəti yaxın gələcəkdə stakflyasiya (inflyasiya ilə müşayiət olunan durğunluq) gözlədiklərini bildirir. Halbuki ötən il bu göstərici daha çox "yumşaq eniş" ssenarisi ilə əvəz olunmuşdu.
Əlavə olaraq, mərkəzi bank menecerlərinin 67 faizi 2030-cu ilə qədər ən perspektivli aktiv kimi qızılı görür. Bu göstərici ötən il cəmi 21 faiz idi. Qeyd olunur ki, heç bir mərkəzi bank yaxın illərdə qızıl ehtiyatını azaltmağı planlaşdırmır.
