BAKI, AzerVoice
İsrail Hərbi Hava Qüvvələri son sutka ərzində Qəzza zolağı boyunca 100-dən çox müxtəlif hədəfi bombalayıb.
AzerVoice xəbər verir ki, bu barədə İsrail ordusunun mətbuat xidməti məlumat yayıb.
Bəyanatda bildirilib ki, hava zərbələri əsasən hərbi obyektlərə, silah anbarlarına, yeraltı tunellərə və digər hərbi infrastruktur nöqtələrinə endirilib.
Eyni zamanda, quru qoşun bölmələrinin Qəzza zolağının bütün ərazisində döyüş əməliyyatlarını davam etdirdiyi, hərbi obyektləri və radikal qrupları məhv etdiyi qeyd olunub. Ordunun ümumi rəsmi hesabatına əsasən, İsrail qüvvələri HƏMAS-a qarşı "getdikcə daha böyük zərbələr" endirir.
