Atəşkəsdən sonra Livanın cənubuna azı 12 İsrail hava zərbəsi endirilib

Livanın cənubunda atəşkəsin qüvvəyə minməsindən sonra hərbi fəaliyyətin davam etdiyi bildirilir. Məlumata görə, yerli vaxtla saat 16:00-dan sonra azı 12 İsrail hava zərbəsi qeydə alınıb. Hücumlar əsasən Nəbatiyyə bölgəsi və ətraf yaşayış məntəqələrini əhatə edib. Kəfr Sir və Nəbatiyyə əl-Fövqa istiqamətləri bir neçə dəfə hədəfə alınıb. Eyni zamanda ər-Reyhan, Adşit və Məsir Həbbuş ərazilərində də partlayışlar qeydə alınıb. Yerli mənbələr Nəbatiyyə və ətrafında artilleriya atəşinin də davam etdiyini bildirirlər. Bu hadisələr atəşkəsin praktikada nə dərəcədə işlək olduğu ilə bağlı suallar yaradıb. Bölgədə vəziyyət gərgin olaraq qalır.

19 İyun 2026 19:38

BAKI,VOA,Yusif Şərifzadə

Livanın cənubunda atəşkəsin qüvvəyə minməsindən sonra azı 12 İsrail hava zərbəsinin endirildiyi və artilleriya atəşinin davam etdiyi bildirilir.

VOA xəbər verir ki, yerli vaxtla saat 16:00-da qüvvəyə mindiyi bildirilən atəşkəsdən dərhal sonra Nəbatiyyə və ətraf bölgələrdə ardıcıl hava hücumları qeydə alınıb. Məlumata görə, Kəfr Rumman, Nəbatiyyə əl-Fövqa, Kəfr Sir, Cəbəl ər-Rafi, ər-Reyhan, Adşit və Məsir Həbbuş yaşayış məntəqələri hücumlara məruz qalıb.

Hücumların bir hissəsi eyni məntəqələri təkrar hədəf alıb. Belə ki, Nəbatiyyə əl-Fövqa və Kəfr Sir istiqamətlərinə bir neçə dəfə hava zərbəsi endirildiyi qeyd olunur.

Bundan əlavə, yerli vaxtla saat 16:48-dən etibarən Nəbatiyyə və ətraf ərazilərdə fasiləsiz artilleriya atəşinin davam etdiyi bildirilir. Hadisə atəşkəsin tətbiqi ilə bağlı xəbərlərin fonunda baş verib.