BAKI,VOA, Nailə Babazadə
Pakistanın hərbi rəhbərliyi Səudiyyə Ərəbistanının infrastrukturuna qarşı həyata keçirilən "əsassız təcavüzlərin" Yaxın Şərqdəki münaqişəni bitirməyə yönəlmiş həssas diplomatik səyləri iflic etmək təhlükəsi daşıdığı barədə xəbərdarlıq edib.
VOA xəbər verir ki, Ravalpindi şəhərində keçirilən və 2025-ci ilin dekabrından bəri ilk olan 274-cü Korpus Komandirləri Konfransında Marşal Asim Munir Səudiyyə Ərəbistanının neft-kimya və sənaye komplekslərinə edilən son zərbələri kəskin şəkildə pisləyib. O, bu hücumları regional vasitəçilik
səylərini sarsıdan "lazımsiz gərginlik" kimi xarakterizə edib.
Marşal Munir son bir neçə gündə ABŞ-ın vitse-prezidenti Cey Di Vens (JD Vance) və İranın xarici işlər naziri Abbas Araqçı ilə telefon danışıqları apararaq, Türkiyə və Misir ilə birlikdə ABŞ-İran gərginliyini azaltmaq üçün mühüm vasitəçilik rolu oynayır.
