BAKI,VOA,Yusif Şərifzadə
Birləşmiş Millətlər Təşkilatının Baş katibi Antonio Quterreş ABŞ və İranı gərginliyi azaltmağa və danışıqları bərpa etməyə çağırıb.
VOA xəbər verir ki, bu barədə BMT Baş katibinin sözçüsü Stefan Düjarrik keçirdiyi mətbuat brifinqində məlumat verib.
Sözçünün bildirdiyinə görə, Antonio Quterreş bütün tərəfləri maksimum təmkin nümayiş etdirməyə, vəziyyəti daha da gərginləşdirəcək addımlardan çəkinməyə və gərginliyin azaldılması üçün təxirəsalınmaz tədbirlər görməyə çağırıb.
Baş katib hesab edir ki, dialoqun bərpası və diplomatik səylərin gücləndirilməsi bölgədə sülh və sabitliyin qorunması üçün vacib əhəmiyyət daşıyır.
