BAKI,VOA
Bələd surəsi Quranın 90-cı surəsidir və 20 ayədən ibarətdir. Məkkə dövründə nazil olmuşdur. Surə öz adını ilk iki ayədə keçən “bələd” (şəhər) sözündən almış və bu sözlə Məkkəyə işarə edilmişdir. Surənin ilk ayələrində şəhərə, yəni Məkkəyə and içilir, sonra insanın çətin vəziyyətdə ikən dünyaya gətirilməsindən, buna görə həmin sıxıntıların öhdəsindən gəlmək üçün uca hədəflərə sahib bir şəxs olmasının əhəmiyyətindən bəhs edilir.
İnsanın yaradılışı və qarşılaşacağı çətinliklər
Bələd surəsində ən şərəfli məkan olan Məkkəyə and içilir, insanın çətin və ağır şəraitdə doğulduğu, buna görə də yetkin şəxsiyyət olmaq, uca məqsədlərə çatmaq üçün çətinliklərə dözməli olduğu xatırladılır.
Beləliklə, surə Hz. Peyğəmbərin qarşılaşacağı çətin şərtlərə və müşriklərin ona qarşı edəcəkləri zülm və təzyiqlərə işarə edir.
